विरोधी पक्षांपुढे सत्ताधारी भाजप हतबल .. दै.पुढारी

विरोधी पक्षांपुढे सत्ताधारी भाजप हतबल .. दै.पुढारी
एल अॅन्ड टी कंपनीला मोफत खोदाईस परवानगी देण्याच्या आयुक्तांच्या निर्णयाविरोधात विरोधी पक्षांनी आंदोलन केले .याची दखल दैनिक पुढारी त्यांच्या दैनिकात घेतली आहे .

#NCPPune

एका मुलीला आत्महत्या करावी लागते, ही आपल्या राज्यासाठी शोकांतिका - Ajit Pawar

एका मुलीला आत्महत्या करावी लागते, ही आपल्या राज्यासाठी शोकांतिका - Ajit Pawar

राज्यातील शेतकऱ्यांनी सरकारविरोधात पेटून उठायला हवं, जोपर्यंत शेतकऱ्यांचा सातबारा कोरा होत नाही तोपर्यंत आता माघार नाही. राजमाता जिजाऊंनी स्वराज्याचं स्वप्न पाहिलं होतं, त्याचीच प्रेरणा घेऊन ही संघर्षयात्रा सुरू झाली आहे, आता हा संघर्ष थांबणार नाही, असा एल्गार राष्ट्रवादी काँग्रेसचे विधिमंडळ पक्षनेते अजित पवार यांनी केला. सिंदखेडराजा येथील जाहीर सभेत ते बोलत होते.

संघर्ष यात्रेच्या द्वितीय सत्रातील पहिल्याच जाहीर सभेत बोलताना पवार यांनी सरकारवर टीकास्त्र डागले. या सरकारमधील लोकांचे काय सुरू आहे तेच कळत नाही. छत्रपती शिवाजी महाराज यांच्या पुण्यतिथीनिमित्त कोणी ढोल बडवतं का? पुण्यतिथीला उत्सव साजरा केला जातो का? सरकारला सत्तेची मस्ती चढली आहे, त्यांच्या डोळ्यात सत्तेची धुंदी आहे, अशी घणाघाती टीका त्यांनी केली.

पुढे बोलताना पवार म्हणाले की, आतापर्यंत ९ हजार शेतकऱ्यांनी आत्महत्या केल्या आहेत, याप्रसंगी राज्य सरकारची तिजोरी रिकामी करावी लागली तरी चालेल, पण शेतकरी मोडला नाही पाहिजे. आमचे सरकार असताना आम्ही कर्जमाफी करू शकलो तर हे सरकार का नाही? लग्नाचा खर्च आपल्या वडिलांना पेलवणार नाही, वडिलांवर लग्नाच्या कर्जाचा बोजा पडू नये म्हणून लातूरच्या शितल वायाळ या तरुणीने आत्महत्या केली. या राज्यात एका मुलीला आत्महत्या करावी लागते, ही आपल्या राज्यासाठी शोकांतिका आहे. अशा घटना ऐकून पंतप्रधान Narendra Modi आणि मुख्यमंत्री Devendra Fadnavis या़ंच्या हृदयाला पाझर फुटत नाही का? त्या मुलीचा विचार करून तरी राज्य सरकारने कर्जमाफीचा निर्णय घ्यावा, असे आवाहन पवार यांनी केले. तसेच कर्जमाफी देणे जमत नसेल तर यांनी सत्तेतून पाय उतार व्हावं, आम्ही कर्जमाफी करून दाखवतो, असे आव्हानही त्यांनी दिले.

हे झोपेचे सोंग घेतलेले सरकार आहे, यांना शेतकऱ्यांचे अश्रू दिसत नाहीत. शेतकऱ्यांची थट्टा करण्याचे काम सध्या राज्यात सुरू असल्याची टीका माजी मंत्री राजेंद्र शिंगणे यांनी यावेळी केली.

यावेळी विधानसभेचे विरोधी पक्षनेते Radhakrishna Vikhe Patil, विधान परिषदेचे उपसभापतीManikrao Thakare Page, राष्ट्रवादीचे गटनेते Jayant Patil, आ. Shashikant Shinde, आ.Rajesh Tope, आ. Jitendra Awhad, प्रा. जोगेंद्र कवाडे, आमदार अबू अझमी, अब्दुल सत्तार, बुलडाणा नगराध्यक्ष नाझीर काजी उपस्थित होते.

#NCP #Loan #Waiver #Demand #Maharshtra #शेतकरी_कर्जमाफी #संघर्षयात्रा#AjitPawar

भारतीय राज्यघटनेचे शिल्पकार व भारतरत्न डॉ. बाबासाहेब आंबेडकर यांना जयंतीनिमित्त विनम्र अभिवादन!!!

भारतीय राज्यघटनेचे शिल्पकार व भारतरत्न डॉ. बाबासाहेब आंबेडकर यांना जयंतीनिमित्त विनम्र अभिवादन!!! 
पुणे स्टेशन येथील डाॅ. बाबासाहेब आंबेडकर पुतळा येथे व पक्षाच्या शहर कार्यालयात राष्ट्रवादी काॅंग्रेस पक्षाच्यावतीने अभिवादन करण्यात आले .
यावेळी शहराध्यक्ष व खासदार वंदना चव्हाण , महानगरपालिकेतील विरोधीपक्षनेते चेतन तुपे , आमदार जयदेवराव गायकवाड , सामाजिक न्याय विभागाचे शहराध्यक्ष पंडित कांबळे व पक्षाचे कार्यकर्त्ये उपस्थित होते .

पुणे महानगरपालिकेच्या वृक्षप्राधिकरण सदस्य पदी राष्ट्रवादी काॅंग्रेस पक्षाच्या नगरसेविका दीपाली धुमाळ व नगरसेवक अॅड. हाजी गफूर पठाण यांची निवड !!!!

पुणे महानगरपालिकेच्या वृक्षप्राधिकरण सदस्य पदी राष्ट्रवादी काॅंग्रेस पक्षाच्या नगरसेविका दीपाली धुमाळ व नगरसेवक अॅड. हाजी गफूर पठाण यांची निवड !!!! 
महानगरपालिकेतील विरोधी पक्ष नेते चेतन तुपे यांच्या हस्ते नवनिर्वाचित सदस्यांना पुढील वाटचालीसाठी शुभेच्छा देण्यात आल्या यावेळी माजी महापौर प्रशांत जगताप , माजी स्थायी समिती अध्यक्ष विशाल तांबे व पक्षाचे नगरसेवक उपस्थित होते .
#PMC #NCP #TreeAuthority

महात्मा फुले यांच्या जयंतीदिनी सदिच्छा...

तत्कालिन भारतीय समाज प्रवाहाविरूद्ध जाऊन अनिष्ट प्रथा-रूढींविरुद्ध उभे राहिलेले, समाज रचनेचा कायापालट करणारे महान क्रांतिसूर्य, स्त्रियांसाठी शिक्षणाचे दालन खुले करणारे, उपेक्षित समाजासाठी लढणारे आद्य समाजसुधारक महात्मा जोतिबा फुले यांचे विचार आपल्यासाठी नेहमीच वंदनीय आहेत. फुले-शाहू-आंबेडकरांचा वारसा जपणारा आपला हा महाराष्ट्र त्यांचे वैचारिक अधिष्ठान समोर ठेवत एक प्रगत, सर्वसमावेशक राज्य म्हणून नेहमीच ओळखले जावो, ही महात्मा फुले यांच्या जयंतीदिनी सदिच्छा...

#महात्माजोतिबाफुले

पुणे शहर राष्ट्रवादी काँग्रेसच्या वतीने घंटानाद आंदोलन .....

पुणे शहर राष्ट्रवादी काँग्रेसच्या वतीने घंटानाद आंदोलन .....

आंदोलनाद्वारे केली महिला सुरक्षेची मागणी

पुणे शहरातील महिला, युवती व विद्यार्थिनींवरील वाढते अत्याचार, व बलात्काराच्या घटनेचा निषेध नोंदविण्यासाठी पुणे शहर राष्ट्रवादी काँग्रेसच्या वतीने घंटानाद आंदोलनाचे आयोजन करण्यात आले होते. पक्षाच्या शहराध्यक्ष, खा.अ‍ॅड.वंदना चव्हाण यांच्या नेतृत्वा खाली पालकमंत्री गिरीश बापट यांच्या कसबा पेठ येथील कार्यालयासमोर हे आंदोलन झाले.

महानगरपालिकेतील विरोधी पक्ष नेते चेतन तुपे-पाटील, महिला शहराध्यक्ष रूपाली चाकणकर, नगरसेविका आंदेकर ,प्रीया गदादे-पाटील, अ‍ॅड.औदुंबर खुने-पाटील, नगरसेवक महेंद्र पठारे, प्रदिप गायकवाड, युवक अध्यक्ष राकेश कामठे, युवती अध्यक्ष मनाली भिलारे, भोलासिंग अरोरा, रजनी पाचंगे, लक्ष्मी आंदेकर, शशिकला कुंभार, पक्षाचे अनेक पदाधिकारी आणि कार्यकर्ते या घंटानाद आंदोनात सहभागी झाले होते. या आंदोलनाद्वारे घोषणा देऊन मुख्यमंत्री आणि पालकमंत्री यांचा निषेध नोंदविण्यात आला.

‘मुख्यमंत्री कायदा सुव्यवस्थेला जबाबदार आहेत, त्यामुळे आम्ही मुख्यमंत्र्यांचा निषेध करीत आहोत. आमदाराच्या मुलीवर देखील हल्ला झाला होता, हे खुप गंभीर आहे. महिला सुरक्षेची हमी तुम्हाला देता येत नाही हे दुदैव आहे. महिला सुरक्षेची हमी द्या, नाही तर घरी जा’ अशा शब्दात विरोधी पक्ष गटनेते चेतन तुपे यांनी निषेध केला.

यावेळी पालकमंत्री गिरीश बापट यांचे स्वीय सहाय्यक यांना पुणे शहरातील महिला, युवती व विद्यार्थिनींवरील वाढत्या अत्याचाराच्या घटना रोखण्याच्या मागणीबाबत निवेदन पुणे शहर राष्ट्रवादी काॅंग्रेस पक्षाच्या वतीने देण्यात आले .

#SafePune

शेतकरी कर्जमाफी न करणाऱ्या असंवेदनशील सरकारची विरोधकांनी काढली प्रतिकात्मक प्रेतयात्रा....!!!

शेतकरी कर्जमाफी न करणाऱ्या असंवेदनशील सरकारची विरोधकांनी काढली प्रतिकात्मक प्रेतयात्रा

भाजप सरकारचा निषेध म्हणून अर्थसंकल्पीय अधिवेनाच्या शेवटच्या दिवशी विरोधकांनी कर्जमाफी न देणाऱ्या सरकारची प्रतिकात्मक प्रेतयात्रा काढली. अर्थसंकल्पीय अधिवेनाच्या सुरुवातीपासून विरोधकांनी शेतकरी कर्जमाफीची मागणी लावून धरली होती. अधिवेनाच्या पहिल्या दिवसापासून विरोधकांनी या मागणीसाठी आक्रमक पावित्रा घेतला मात्र सरकारतर्फे या अधिवेशनातही शेतकऱ्यांच्या तोंडाला पाने पुसण्यात आली आहेत. या अधिवेशनातही शेतकऱ्यांच्या हाती काहीच लागले नसून विरोधकांनी याचा निषेध करत सरकारची प्रतिकात्मक प्रेतयात्रा काढली. यावेळी विधानसभेचे विरोधी पक्षनेते Radhakrishna Vikhe Patil, राष्ट्रवादी काँग्रेसचे विधिमंडळ पक्षनेते Ajit Pawar, गटनेते Jayant Patil, आ. Shashikant Shinde, आ. Rajesh Tope, आ.Jitendra Awhad आणि विरोधी पक्षातील अन्य सदस्य उपस्थित होते.

ॲड. वंदना चव्हाण यांच्या कारकिर्दीचा रौप्यमहोत्सव....

ॲड. वंदना चव्हाण यांच्या कारकिर्दीचा रौप्यमहोत्सव....
पुणे शहराच्या अध्यक्ष व खासदार Vandana Chavan यांच्या राजकीय व सामाजिक कारकिर्दीला २५ वर्षे पूर्ण झाल्याबद्दल पुणे शहर राष्ट्रवादी कॉंग्रेस पक्षाच्यावतीने त्यांचा गौरव करण्यात आला.
पक्षाचे प्रवक्ते,जेष्ठ नेते श्री. अंकुश काकडे यांच्या हस्ते सन्मानचिन्ह देऊन गौरव करण्यात आला,यावेळी महानगरपालिकेचे विरोधी पक्षनेते चेतन तुपे,माजी महापौर वैशाली बनकर, चंचला कोद्रे व पक्षाचे नगरसेवक व सेल प्रमुख उपस्थित होते.
वकील म्हणून शिवाजी नगर कोर्टात काम करणाऱ्या अॅड. वंदना चव्हाण यांनी १९९२ सालची महानगरपालिका निवडणूक लढवत सभागृहात नगरसेवक म्हणून प्रथमतः प्रवेश केला. नंतर पुढील सलग २ पंचवार्षिक निवडणुकांत त्यांना यश प्राप्त झाले . आपल्या शिक्षणाचा उपयोग करत वंदना चव्हाण यांनी आपल्या मातदारसंघात सातत्याने नाविन्यपूर्ण कल्पना मांडल्या व परिसराचा विकास साधला.
१९९८ साली, महापौर पदाच्या सर्वसाधारण गटातून त्या महापौर म्हणून निवडून आल्या. आपल्या महपौर पदाच्या काळात त्यांनी अनेक शहरहिताचे निर्णय घेत पुणेकरांच्या मनात आपुलकीची भावना निर्माण केली. याच महपौर पदाच्या काळात त्यांनी महिला साक्षरता मोहीम राबवली या मोहिमेंतर्गत पुण्यातील सुमारे चव्वेचाळीस हजार महिलांना साक्षर केले.
२००० साली स्फूर्ती महिला मंडळाची स्थापना करत त्यांनी आर्थिकदुर्बल घटकातील महिलांना आर्थिकदृष्ट्या सक्षम बनवण्यासाठी आधार दिला.आज ह्या संस्थेला १७ वर्षे पूर्ण झाली आहे.
२०१० साली वंदना चव्हाण या महाराष्ट्र विधानपरिषदेवर विधानपरिषद सदस्य म्हणून निवडून गेल्या. या काळात देखील त्यांनी पुण्याच्या विविध प्रश्नांसाठी विधानपरिषदेत आवाज उठवला.
पुढे राष्ट्रवादी कॉंग्रेस पक्षाच्या पुणे शहर अध्यक्ष पदी वंदना चव्हाण यांची नियुक्ती करण्यात आली. आज सलग ७ वर्षे त्या पुणे शहराच्या अध्यक्ष म्हणून सक्षमपणे धुरा सांभाळीत आहे.
२०१२ साली राज्यसभेच्या खासदार म्हणून त्या राज्यसभेत निवडून गेल्या .अभ्यासू वृत्तीने राज्यसभेत त्या विविध प्रश्नांवर आवाज उठवत त्यांनी स्वःताची वेगळी ओळख निर्माण केली आहे .
'अलर्ट' या संस्थे'मार्फत पर्यावरण व शाश्वत विकासा यासंदर्भात त्या कार्यरत आहे. जागतिक तापमान वाढ व त्याचे दुष्परिणाम याविषयी त्यांनी ५०० हून अधिक व्याख्याने विविध ठिकाणी दिली आहेत. अंतराष्ट्रीय परिषदांमध्ये देखील त्यांनी या संदर्भात विशेष योगदान दिले आहे.
२५ वर्षाच्या या काळात वंदना चव्हाण यांना अनेक पुरस्कार प्राप्त झाले आहेत. आंतरराष्ट्रीय पातळीवरील सन्मांच्या विविध शिष्वृत्या त्यांना प्राप्त झाल्या आहेत.
जागतिक स्तरावर काम करणाऱ्या वुमेन मेट्रो पोलिटीयन्स या संस्थेत त्या भारताचे प्रतिनिधित्व करीत आहे.
पुणे शहर व राष्ट्रवादी कॉंग्रेस पक्षाच्या शहराध्यक्ष व खासदार वंदना चव्हाण यांच्या राजकीय व सामाजिक जीवनास २५ वर्षे पुर्ण झाल्याबद्दल त्यांचे हार्दिक अभिनंदन व त्यांच्या पुढील वाटचालीसाठी हार्दिक शुभेच्छा !!!

विरोधकांची शेतकरी कर्जमाफीसाठीची संघर्षयात्रा आज पुण्यात पोहोचली

विरोधकांची शेतकरी कर्जमाफीसाठीची संघर्षयात्रा आज पुण्यात पोहोचली असून विरोधी पक्षातील सदस्यांनी फुले वाड्याला भेट दिली. महात्मा ज्योतिबा फुले आणि सावित्रीमाईंच्या पुतळ्याला पुष्पहार अर्पण करून अभिवादन करण्यात आले.
दरम्यान, यावेळी काही शेतकऱ्यांनी विरोधकांना आसूड भेट दिला. हाच आसूड शेतकऱ्यांच्या हितासाठी सरकार विरोधात वापरा अशी भावना शेतकऱ्यांनी व्यक्त केली.